काठमाण्डु। प्रधानमन्त्री पुष्पकमल दाहाल ‘प्रचण्ड’ले विश्वासको मत लिएपछि मात्रै मन्त्रिपरिषद विस्तार गर्ने तयारी गरेका छन् । प्रतिनिधिसभाका अधिवेशन पुस २५ गते दिउँसो १ बजेका लागि बोलाइएको छ । सोही दिन विश्वासको मत लिएर त्यसपछि मन्त्रिपरिषद विस्तार गर्ने प्रधानमन्त्री प्रचण्डको तयारी रहेको खुमलटार श्रोतले बतायो ।त्यसो त प्रधानमन्त्री प्रचण्डले सत्ता साझेदारो ठूलो दल नेकपा एमालेका अध्यक्ष केपी शर्मा ओली लगायतसँग छलफल गरेका छन् । प्रचण्डको चाहनामा सत्ता साझेदार दलहरु सहमति भएको नेताहरु बताउँछन्।बरु यसबीचमा मन्त्रालय भागवण्डादेखि प्रदेश सरकारको भागबण्डा मिलाउने लगायतका कार्य सकाउने नेताहरुको तयारी छ । संघीय सरकारको भागवण्डाको विषय नेकपा एकीकृत समाजवादीको सरकारमा सहभागिता सुनिश्चित भएपछि टुंगो लाग्ने नेताहरुको भनाइ छ ।
