गाेरखा। माओबादी केन्द्रका गाेरखा जिल्ला ईन्चार्ज तथा प्रदेश सांसद कृष्ण धिताल गण्डकी प्रदेशसभाको सभामुखमा निर्वाचित भएका छन् ।
शनिबार प्रदेशसभामा भएको निर्वाचनमा धितालले ३२ मत पाएका हुन् । ६० सदस्यीय प्रदेशसभामा मतदानमा ५८ जना सहभागी भएका थिए ।
धिताललाई नेकपा एमालेका २१, नेकपा माओवादी केन्द्रका ८, राष्ट्रिय प्रजातन्त्र पार्टीका २ र नेकपा एकीकृत समाजवादी प्रवेश गरेका स्वतन्त्र सांसद दीपक मनाङेले पनि मत दिए । एमालेबाटै निर्वाचित भएका ज्येष्ठ सदस्य मित्रलाल बस्याल भने मत विभाजनमा सहभागी भएनन् ।
नेपाली कांग्रेसकी प्रदेश सांसद सरस्वती अर्याल तिवारी पराजित भएकी छन्।
