पोखरा। बिस्तारै लयमा आएको गण्डकी गाउँपालिकाले आफ्ना पालिकाका दीर्घरोगी तथा गर्भवती महिलाहरुको निःशुल्क स्वास्थ्य बीमा गरिदिने भएको छ । विश्व क्यान्सर दिवसको अवसर पारेर हिजोबाट सो कार्यक्रमको आरम्भ गरेको हो । गाउँपालिकाले वडा नं. ६ को आग्रीडाँडा सामुदायिक स्वास्थ्य इकाईमा आयोजित एक कार्यक्रमका बीच निःशुल्क स्वास्थ्य बीमाको आरम्भ गरिएको पालिकाका अध्यक्ष दिपक तिमिल्सिनाले जानकारी दिनुभयो ।
सो कार्यक्रममा पालिकाका प्रमुख प्रशासकीय अधिकृत रिजेश उपरकोटी र वडा नम्बर ६ का अध्यक्ष तुलबहादुर गुरुङले क्यान्सर पीडित परिवार र गर्भवती महिलालाई बीमा फाराम हस्तान्तरण गरेर कार्यक्रमको शुरुवात गरेका थियो ।गाउँपालिकामा हाल ८४ जना सूचीकृत भएका दिर्घरोगी रहेका छन् । दिर्घरोगीलाई वार्षिक एक लाखसम्मको निःशुल्क स्वास्थ्य बीमा गरिने गाउँपालिकाका अध्यक्ष दिपक तिमिल्सिनाले बताउनुभयो । अध्यक्ष तिमिल्सिनाका अनुसार गर्भवती महिलाहरुको पनि एक वर्षका लागि स्वास्थ्य बीमा गरिएको छ ।
सुत्केरी हुँदा स्वास्थ्यमा कुनै समस्या आए आमा तथा बच्चाको स्वास्थ्य उपचारमा सहयोग पुगोस् भनेर गर्भवती महिलाको बीमा गरिएको उनले जानकारी दिए । हालको तथ्याङ्क अनुशार गाउँपालिकामा एक सय जना गर्भवती महिला रहेको छ। गाउँपालिकाले सो कार्यक्रमका लागी चालु आर्थिक वर्षमा १० लाख बजेट विनियोजन गरेको छ भने निःशुल्क स्वास्थ्य बीमा कार्यक्रमलाई निरन्तरता दिनका लागि तयारी थालेको पालिकन अध्यक्षले बताउनु भयो।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
