पोखरा। सत्तारुढ दल नेकपा एमालेले सातै प्रदेशका इन्चार्ज फेरबदल गरेको छ।काठमाडौंको हनुमानथानस्थित होटल बसेरमा बिहीबार दिउँसो बसेको सचिवालय बैठकले सातै प्रदेशमा नयाँ इन्चार्ज पठाउने निर्णय गरेको महासचिव शंकर पोखरेलले बताए ।
जसअनुसार एमालेले कोशी प्रदेशमा स्थायी कमिटी सदस्य शेरधन राईलाई नयाँ इन्चार्ज बनाएको छ । उनी पूर्वराष्ट्रपति विद्या भण्डारी र अध्यक्ष केपी शर्मा ओली दुवैका निकट मानिन्छन् ।एमालेले मधेशमा बिहीबार मात्रै स्थायी कमिटी सदस्यमा बढुवा भएका लीलानाथ श्रेष्ठलाई इन्चार्ज बनाएको छ । यसअघि यहाँ एमाले सचिव योगेश भट्टराई इन्चार्जका रुपमा थिए ।
