गोरखा,६ कार्तिक। भीमसेनथापा गाउँपालिकाले आफ्ना नागरिकहरूको सुविधा र सुरक्षाका लागि डिजिटल घर नम्बर प्लेट जडान गर्ने अभियान सुरु गरेको छ। यस अभियानको मुख्य उद्देश्य गाउँपालिका भित्रका घरधुरी र परिवारको अभिलेखलाई व्यवस्थित बनाउनु हो।
गाउँपालिकाका प्रमुख प्रशासकीय अधिकृत चित्रबहादुर अधिकारीका अनुसार, गत आर्थिक वर्षदेखि वडा नम्बर ६ अश्राङबाट यो अभियानको सुरुवात गरिएको थियो। हालसम्म ४१० घरधुरीमा डिजिटल नम्बर प्लेट जडान भइसकेको छ। यी प्लेटहरूमा घरमुलीको नाम, गुगल प्लसको कोड नम्बरजस्ता विवरणहरू उल्लेख गरिएका छन्।
