काठमाडौँ, माघ २ गते। नेकपा माओवादी केन्द्रसहितका दलहरू सम्मिलित समाजवादी मोर्चाको बैठक आज (बुधबार) बस्दैछ। मोर्चामा आबद्ध चार दलको कार्यदल बैठक मंगलबार सम्पन्न भएपछि आज पूर्ण बैठक बस्न लागेको हो।
बैठक दिउँसो २ बजे नेकपा एकीकृत समाजवादी पार्टीको कार्यलय आलोकनगरमा आयोजना हुने जनाइएको छ। माओवादी अध्यक्ष पुष्पकमल दाहाल ‘प्रचण्ड’ सरकारबाट बाहिरिएपछि पहिलो पटक मोर्चाको बैठक बस्न लागेको हो।
यसैबीच, नेकपा माओवादी केन्द्रको पदाधिकारी बैठक भने अपराह्न ४ बजेका लागि सरेको छ। बिहान ८ बजे अध्यक्ष प्रचण्ड निवास खुमलटारमा बस्ने भनिएको बैठक कार्यसूची बाक्लो भएपछि अपराह्नका लागि सारिएको सचिव गणेश साहले बताए।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
