काठमाडौँ, बैशाख ३१ गते। वरिष्ठ साहित्यकार दुर्गालाल श्रेष्ठका शब्दमा आधारित गायक दिप गुरुङ र स्वरूप राज आचार्यको स्वरमा सजिएको नयाँ गीत ‘गाउँ बस्ती सुनसान’ आज सार्वजनिक गरिएको छ।
दिप फिल्म्सको प्रस्तुतिमा तयार पारिएको उक्त गीतले नेपाली गाउँको परम्परागत जीवनशैली र अहिलेको सामाजिक यथार्थलाई गहिरो संवेदनासाथ चित्रण गरेको छ। गीतमा सुरज पण्डितको संगीत र विष्णु तामाङको संगीत संयोजन रहेको छ भने मनोज डंगोलले प्रोग्रामिङ, मिक्सिङ र मास्टरिङ गरेका छन्।
गीत आजै दिप गुरुङको आधिकारिक युट्युब च्यानलबाट सार्वजनिक गरिएको हो।
सार्वजनिक भएको केही घण्टामै गीतले दर्शक-श्रोताको ध्यान तान्न थालेको छ।
गीतको मार्मिक शब्द, भावपूर्ण संगीत र सशक्त गायन शैलीले ‘गाउँ बस्ती सुनसान’ लाई श्रोतामाझ लोकप्रिय बनाउने विश्वास गरिएको छ।
गीत सुन्नुहोस् यहाँ क्लिक गरेर
