काठमाडौं, असार २६ गते। सिन्धुपाल्चोकको भोटेकोशी गाउँपालिका–२ स्थित इकुमा बिहान खसेको ठूलो पहिरोले अरनिको राजमार्ग पूर्णरूपमा अवरुद्ध भएको छ। बिहान ५ बजे खसेको पहिरोले सडक माथिबाट तलसम्म भासिँदा सवारी आवागमन ठप्प भएको हो।
तातोपानी नाका हुँदै काठमाडौं आउन लागेको मालवाहक कन्टेनर भन्सारमै रोकिएका छन् भने यात्रुवाहक बस र अन्य सवारीसाधन बाटोमै थन्किएका छन्। सडक खुलाउन डोजर परिचालनको तयारी भइरहेको स्थानीय प्रशासनले जनाएको छ।
