पोखरा, ३ साउन। आन्तरिक राजस्व कार्यालय पोखराले आर्थिक वर्ष २०८१/०८२ मा ६ अर्ब ८ करोड ४६ लाख रुपैयाँ राजस्व सङ्कलन गरेको छ। अघिल्लो वर्षको तुलनामा ५१ करोड रुपैयाँ बढी राजस्व उठाउन सफल भए पनि निर्धारित लक्ष्यको ८५ प्रतिशत मात्र पुरा गर्न सकेको छ।
अघिल्लो आर्थिक वर्ष २०८०/८१ मा ५ अर्ब ५७ करोड ५९ लाख रुपैयाँ राजस्व सङ्कलन गरिएको थियो। यो वर्ष कार्यालयले ७ अर्ब १९ करोड १७ लाख रुपैयाँ राजस्व सङ्कलनको लक्ष्य राखेको थियो।
राजस्व संरचनातर्फ हेर्दा,
राजस्व कार्यालयका प्रमुख कर अधिकृत शिव शर्माले सहकारी क्षेत्रमा देखिएको संकट र समग्र आर्थिक मन्दीले लक्षित राजस्व सङ्कलनमा प्रभाव पारेको बताए।
“आर्थिक गतिविधिमा आएको कमीले लक्ष्यमा पुग्न चुनौती भयो,” उनले भने, “तर अघिल्लो वर्षको तुलनामा राजस्व बढ्नु सकारात्मक पक्ष हो।”
पोखरास्थित राजस्व कार्यालयमा हाल:
निर्धारित लक्ष्यमा नपुग्दा पनि अघिल्लो वर्षभन्दा राजस्व वृद्धि हुनु राजस्व प्रशासनको प्रयास सकारात्मक रहेको संकेत हो। तर, अर्थतन्त्रको सुधार र करदाताको विश्वास अभिवृद्धि बिना दीर्घकालीन लक्ष्य प्राप्तिमा चुनौती रहिरहने देखिन्छ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
