पोखरा । प्रधानमन्त्री एवम् नेकपा एमाले अध्यक्ष खड्ग ओलीको एकलौटी रूपमा अघि बढ्ने कदमका विरुद्ध बरिष्ठ नेता झलनाथ खनाल र माधवकुमार नेपाल पक्षले समानान्तर कमिटी घोषणा गरेर जवाफ दिएको छ । ओलीको कदमपछि आक्रोशितनेपाल खनाल पक्षले देशभर समानन्तर कमिटीको अभ्यास थालेर काउण्टर जवाफ दिएको हो । एमाले अध्यक्ष ओलीले आफू पक्षीय नेताहरुलाई पदच्युत गर्दै कमिटीहरु विस्तार गरेपछि नेपाल–खनाल पक्षले त्यसलाई काउन्टर गर्दै समानान्तर कमिटी विस्तार गरेकाछन् । जसअनुसार प्रदेश–१ को संयोजक भीम आचार्यलाई, प्रदेश–२ को घनश्याम भुसाललाई, प्रदेश–३ को अष्टलक्ष्मी शाक्यलाई, प्रदेश–४ को सुरेन्द्र पाण्डेलाई, ५ र ६ को युवराज ज्ञवालीलाई र प्रदेश–७ को जिम्मा भीम रावललाई दिइएको छ । त्यस्तै, युवाविभागको जिम्मा रघु पन्त, विद्यार्थी विभागको जिम्मा गोकर्ण विष्ट, प्रचार विभागको जिम्मा योगेश भट्टराई, महिला विभागको जिम्माअष्टलक्ष्मी शाक्यलाई र बुद्धिजीवि विभागको जिम्मा प्रमेश हमाललाई दिइएको छ ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
