पोखरा।नेपाल आयल निगमले पेट्रोल, डिजल तथा मट्टितेलको मूल्य बढाएको छ। निगमले आइतबार रातीदेखि लागु हुने गरि पेट्रोल, डिजल तथा मट्टितेलको मूल्य लिटरमा दुई रुपैयाँ बढाएको हो।
मूल्यवृद्धि पछि पेट्रोल लिटरको १ सय २० रुपैयाँ र डिजल तथा मट्टितेलको मूल्य १ सय ३ रुपैयाँ कायम भएको छ। निगमले हवाई इन्धन र खाना पकाउने ग्यासको मूल्य भने यथावत राखेको छ। निगमलाई खाना पकाउने एलपीजी ग्यास एक सिलिण्डरमा ४ सय १८ रुपैयाँ ४७ पैसा घाटा छ। निगमलाई ग्यासबाट मात्रै ६० करोड १३ लाख रुपैयाँ घाटा छ।
मूल्य बढाउँदा पनि निगमलाई पेट्रोल लिटरमा ७ रुपैयाँ ३९ पैसा र डिजलमा १ रुपैयाँ ९४ पैसा घाटा छ। निगमलाई मूल्य वृद्धि पछि पनि १५ दिनमा ८८ करोड घाटा हुने दाबी गरिएको छ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
