ललितपुर । करिब १० वर्षसम्म बर्दियाको घना जङ्गलमा आफैँ सिकार गरेर विचरण गरेको पाटेबाघ सदर चिडियाखानाको ‘रेडिमेड’ मासुमा चाँडै रमाउन थालेको छ । चिडियाघरको पाहुना रमाउन थालेपछि संरक्षणकर्मीमा पनि सन्तोष बढेको छ । गैँडा गणनामासंलग्न हात्ती माउते पुलिसराम चौधरीको ज्यान लिएपछि बेहोश गररे यहाँ ल्याइएको यो बाघ सदर चिडियाखानामा बस्न थालेकोएक साता पुगेको छ । बर्दियाबाट सडकमार्ग हुँदै ललितपुर जावलाखेलस्थित सदर चिडियाखाना पुयाएकै दिन भोको पेटमा तीनकेजी मासु मजाले खाएको बाघले जङ्गलमा भुत्लासहित खाएको सिकारजस्तै मीठो स्वाद मानेर खाला भन्ने चिडियाखानाकाकर्मचारीलाई विश्वास लागेको थिएन ।
तर,यो बाघले जङ्गली सिकार र ‘रेडिमेड’ सिकारमा गन्ध थाहा नपाएझैँ गररे खाएको देखेपछि कर्मचारी पनि अचम्ममा परेका छन् ।हाल चिडियाखानामा योसहित पाँचवटा बाघ छन् । अरू चार बाघ चितवन राष्ट्रिय निकुञ्जमा समस्याग्रस्त भएपछि यहाँ ल्याइएकाहुन् । गोरखापत्रमा खबर छ ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
