पोखरा।नेपाली कांग्रेसको केन्द्रीय समिति बैठक आज बस्दैछ ।मुख्य सचिव कृष्णप्रसाद पौडेलका अनुसार बैठक दिउँसो ३ बजे भर्चुअल माध्यमबाट बस्नेछ । बैठकमा केन्द्रीय कार्यसम्पादन समिति गठनका विषयमा छलफल हुनेछ । राष्ट्रिय सभा सदस्य चुनावको समीक्षा, स्थानीय तहको चुनाव लगायत समसामयिक राजनीतिक पनि छलफल हुन सक्ने बताइएको छ ।
संस्थापन इतर पक्षका नेताले पार्टीभित्र छलफल नै नगरि सभापति एवं प्रधानमन्त्री शेरबहादुर देउवाले चुनाव र सत्ता गठबन्धनबारे छलफल गरिरहेको भन्दै असन्तुष्टि जनाउँदै आएका छन् । सो विषयमा पार्टीभित्र छलफल हुनुपर्ने उनीहरुको माग थियो । त्यसकारण पनि आजको बैठकमा यसबारे कुरा उठ्न सक्नेछ ।
संस्थापतन इतर पक्ष वैशाखमै स्थानीय तह चुनाव हुनुपर्ने पक्षमा छ । चुनावमा अरु दलसँग गठबन्धन गर्न नहुने तर्क पनि संस्थापनइतरको छ । तर संस्थापन पक्ष वैशाख चुनाव नगर्ने र गठबन्धन गर्ने पक्षमा छ
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
