पोखरा। नेकपा (माओवादी केन्द्र) का अध्यक्ष पुष्पकमल दाहाल प्रचण्डले सत्तासिन दलहरुले गरेको गठबन्धन राजनीतिक मुद्दामा एकता भएर बनेको बताएका छन् । एकातिर राजनीतिक मुद्दामा एकता र अर्काेतिर गठबन्धनमा सहभागी सवै राजनीतिक दलहरुलाई नै फाइदा हुने भएकोले गठबन्धन गरिएको प्रचण्डले बताए ।‘राजनीतिक मुद्धामा एकता, अर्काेतिर सवैलाई फाइदा । कांग्रेसलाई ५० प्रतिशत फाइदा, माओवादी, समाजवादी जनता समाजवादी र राष्ट्रिय जनमोर्चा सवैलाई फाइदाको लागि गठबन्धन बनेको हो,’ प्रचण्डले भने ।
पाँच दलीय गठबन्धनले पोखरामा आयोजना गरेको चुनावी सभालाई सम्बोधन गदै प्रचण्डले त्यस्तो बताएका हुन् ।
देशलाई राजनीतिक दुर्घटनाबाट जोगाउन सत्तारुढ दलले गठबन्धन गरेको र अर्कोतिर केपी ओलीले राजावादीहरु, गणतनत्र विरोधीहरुको गठबन्धन गरेको प्रचण्डले बताए ।
‘राजावादीहरुको गठबन्धन , गणतन्त्र विरोधीहरुको गठबन्धन आएको छ । त्यसलाई परास्त गर्नुपर्ने बेला आएको छ । अन्यथा देशमा राजनीतिक दुर्घटनाको खतरा छ,’ प्रचण्डले भने ।
उनले आफुले राजनीतिक दुर्घटनाबाट देशलाइ बचाउन गरेको अपिललाई कतिपयले गलत अर्थ लगाएको पनि अरोप लगाए ।
‘कतिपय मानिसले जनता धम्कायो, हामीलाई नजिताए धम्कायो भनेर गलत अर्थ लगाईएको छ । यो गठबन्धन राजनीतिक दुर्घटनाबाट बचाउनका लागि गरिएको हो ।’ प्रचण्डले भने ।
‘हामी शान्ति, अग्रमन र प्रगतिका पक्षधर र प्रतिगामीको पक्षधरबीच लडाइँ चलिरहेको छु’ प्रचण्डले भने, ‘अहिलेसम्म प्राप्त राजनीतिक उपलब्धी बचाउनको लागि हाम्रो गठबन्धनको तर्फबाट उम्मेदवार बनेका मेयर, उपमेयर र वडाहरुमा पनि विजयी गराएर गठबन्धनको संस्कृतिलाई, गठबन्धनबाटमात्रै राजनीतिक उपलब्धि बचाउने सम्भावना छ। एउटा ठूलो षड्यन्त्र लोकतन्त्र र संघीयताविरुद्ध हुँदै थियो, त्यसविरुद्ध यो गठबन्धन जन्मिएको हो। यसविरुद्ध राजावादीहरुको गठबन्धन बनेको छ।’
