गोरखा।गोरखाको शहीदलखन गाउँपालिकाको अध्यक्ष उपाध्यक्ष पदमा माओवादी केन्द्रका उम्मेदवार विजयी बनेका छन् ।अध्यक्षमा माओवादी केन्द्रका उम्मेदवार रमेश थापामगरले ५ हजार २५ मत प्राप्त गरेर दोस्रो कार्यकालका लागी पालिका अध्यक्षमा विजयी हुनु भएको हो ।
उहाँका निकटतम प्रतिस्पर्धी नेकपा एमालेका मनोजकुमार जोशीलाई १ हजार भन्दा बढी मतान्तरले पराजित गर्नुभयो । जोशीले ३ हजार ९४३ मत प्राप्त गर्नु भएको छ ।
यस्तै उपाध्यक्षमा माओवादी केन्द्रकै उम्मेदवार ईन्दिरा तिवारी ४ हजार ६६९ मतका साथ बिजयी हुनु भएको छ ।
थापा र तिवारी पुनः दास्रो कार्यकालका लागी अध्यक्ष र उपाध्यक्ष निर्वाचित हुनुभएको हो । उहाँहरु दुबै जना ०७४ को स्थानीय तह चुनाबमा पनि अध्यक्ष र उपाध्यक्ष निर्वाचित हुनुभएको थियो ।
