भरतपुर।नेपाल आयाल निगमले पेट्रोलिय पदार्थको मूल्य घटाएको छ । नेपाल सरकार, अर्थ मन्त्रालयको निर्णयबाट पेट्रोल र डिजेलको पूर्वाधार कर बराबरको रकम प्रति लिटर १० रुपैयाँ घटाएर समायोजन गरेको हो ।
मूल्य समायोजनपछि खुद्रा बिक्री मूल्यमा प्रति लिटर पेट्रोल, डिजल र मट्टितेलमा कमशः १७०, १५३ र १५३ रुपैयाँ कायम गरेको थियो । मूल्य घटाएर समायोजनपश्चात पनि निगमको १५ दिनको घाटा करिब ३ अर्ब ८९ करोड कायम रहेपछि मूल्य बढाएको हो ।
निगमले आज रातिदेखि लागु हुने गरी पेट्रोलको साविकको खुद्रा बिक्री मूल्यमा ८ रुपैयाँले वृद्धि गरेको छ । जसअनुसार पेट्रोल प्रति लिटर १७८ तथा डिजेल र मट्टितेलको साविकको खुद्रा बिक्री मूल्यमा १२ रुपैयाँले बृद्धि गरी प्रति लिटर १६५ रुपैयाँ कायम गरिएको छ ।
एलपी ग्यास तथा हवाई इन्धनको मूल्य भने हाललाई यथावत् नै राखिएको छ ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
