गोरखा।गोरखा नगरपालिका गोरखाले नगर भित्र रहेका एकल बिपन्न महिलाहरुलाई आयआर्जन हुने गरेर जिबिका उपार्जन गर्ने उद्वेश्यले सोमबार २८ वटा बङगुर बितरण गरिएको छ ।
कृषि तथा पशु शाखाले आज एक कार्यक्रम गरि नगर भित्रका एकल महिला तथा गरीब व्यक्तिहरुका लागि आम्दानी र गुजरा चलाउन सहज होस् भन्ने मनासयले बङगुर बितरण गरिएको प्रमुख प्रशासकिय अधिकृत ज्ञाननाथ ढकालले जानकारी दिनु भयो । बङगुर बितरणले आयआर्जनमा समेत बृद्वि भई जिउनको लागि सहज हुने गोरखा नगरपालिका वडा न १३ का जुनकि सुनारले बताइन। हामी जस्ता बिपन्न बर्गको लागि नगरपालिका सहारा बनेको उनको भनाइ छ । यस्तो कामले सकारात्मक सन्देश जाने भन्दै बिपन्न र गरिबका लागि जहिले पनि यस्तै काम गर्न सल्लाह दिइन । कार्यक्रममा बङगुर बितरण गर्दै गोरखा नगरपालिकाका मेयर कृष्ण रानाले महिला , तथा बिपन्न बर्गहरुको लागि आफू सधै साथमा रहने बिश्बास ब्यक्त गरे । अबका दिनमा धेरै महिला र कृषकलाई पुरै अनुदान दिने बताउँदै यसै कार्यक्रम अन्तरगत गरिब तथा कृषकलाई पनि ५०% प्रतिशत अनुदानमा छ/छ जना जम्मा गरेर ३४ जना कृषकलाई बङगुर बितरण गरिएको कृषि तथा पशुपन्क्षी शाखाका प्रमुख नवीन अधिकारीले बताए ।
