पोखरा। रेडियो भोटेवडार ९०.८ मेगाहर्ज, लमजुङमा कार्यरत पत्रकार चाँदनी अधिकारीको डेंगु संक्रमणको कारण निधन भएको छ । चितवनमा उपचारका क्रममा उनको आज बिहान निधन भएको प्रेस सेन्टरका केन्द्रीय माहसचिव सन्तोष पौडलले जानकारी दिए ।
उनी प्रेस सेन्टर, नेपाल लमजुङ जिल्ला समिति सचिवसमेत थिइन् ।
‘अधिकारीको निधनले पत्रकारिता जगतले एक असल र कुशल पत्रकार गुमाएको छ भने लमजुङले एक योग्य र भरभराउँदो प्रतिभा गुमाएको छ’, पौडेलले बताए । उनको निधनले क्रान्तिकारी र जनपक्षिय पत्रकारितामासमेत अपुरणीय क्षती पुगेको भन्दै उनका बाँकी सपना पूरा गर्न निरन्तर लागिरहने प्रण प्रेस सेन्टरले गरेको छ ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
