गोरखा। गाेरखा नगरपालिकाका उपमेर मसली मायाँ थाेकर र पालुङटार नगरपालिकाका उपमेयर बन्दना पाण्डे नगरपालिका संघको केन्द्रीय सदस्यमा निर्वाचित भएका छन् ।नगरपालिका संघको काठमाण्डौमा सम्पन्न आठौं महाविशेनबाट थाेकर र पाण्डे केन्द्रीय सदस्यमा २ जना सर्वसम्मत निर्वाचित भएका हुन् ।महाधिवेशनबाट धादिङको नीलकण्ठ नगरपालिकाका प्रमुख भीम ढुंगानाको अध्यक्षतामा ४३ सदस्यीय कार्यसमिति सर्वसम्मत चयन भएको छ । नेपाली कांग्रेसबाट निर्वाचित ढुंगाना संघको आठौं महाधिवेशनबाट सर्वसम्मत अध्यक्ष चुनिएका हुन। यस्तै उपाध्यक्षमा सिन्धुपाल्चोकको चौतारा साँगागढी नगरपालिकाका प्रमुख कृष्णप्रसाद सापकोटा चयन भएका छन्।उनी नेकपा माओवादी केन्द्रबाट निर्वाचित हुनु भएका हुन् ।
महासचिवमा नेकपा एमालेका तर्फबाट दाङको घोराही उपमहानगरपालिकाका मेयर नरुलाल चौधरी चयन भएका छन् । यस्तै उपमहासचिवमा काठमाडौं महानगरपालिकाकी उपप्रमुख सुनिता डंगोल चयन भएकी छिन् । कोषाध्यक्षमा नेपाली कांग्रेसबाट खोटाङको हलेसी तुवाचुङ नगरपालिकाकी प्रमुख विमला राई र सहकोषाध्यक्षमा हेटौंडा उपमहानगरपालिकाकी प्रमुख एकीकृत समाजवादीकी मीना लामा चयन भएकी हुन् ।
स्थानीय तहको निर्वाचन भएपछि पालिकामा जित हासिल गरेको पार्टीको संख्या अनुसार संघको भागवण्डा भएको हो । देशभरिका २ सय ९३ नगरपालिकाका जननिर्वाचित प्रतिनिधिबाट ५ वर्षको लागि नयाँ कार्यसमिति चयन भएको हो ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
