काठमाण्डु। हिजो प्रधानमन्त्री कार्यालयमा केही तथाकथित मुलधारका अनलाइन पत्रिकाका सम्पादकहरुसँगको छलफलमा सभामुख, राष्ट्रपतिबारे कसैसँग पनि सहमति गरिएको छैन,’ प्रधानमन्त्रीनिवास बालुवाटारमा शनिबारको उक्त भेटघाटमा प्रचण्डले भने । त्यसो त प्रधानमन्त्री हुनका लागि माओवादी केन्द्रले एमालेसँग राष्ट्रपति तथा सभामुख पदबारे सहमति गरेको दाबी एमाले निकटस्थ माओबादी नेताहरुले बातउँदै आएका छन् ।
तथाकथित मुलधारका सम्पादकहरुसँग प्रधानमन्त्री प्रचण्डले नेपाली कांग्रेसले विश्वासको मत दिइसकेकाले उसलाई पनि विश्वासमा लिनु आफ्नो जिम्मेवारी भएको बताए । कांग्रेसले कल्पना नै नगरेको काम गरेर आफूलाई समर्थन गरेकाले सभामुखबारे सोध्नुपर्ने अवस्था बनेको उनको भनाइ छ । यसका निम्ति माघ ३ गते सर्वदलीय बैठक आह्वान गरिएको उनले जानकारी दिए ।
सभामुखको निर्वाचन आगामी माघ ५ गते हुँदैछ ।
‘विश्वासको मत लिँदा कांग्रेसले अनुमान गरिए विपरीत उपस्थिति देखाएकाले उसको बारेमा पनि सोच्नुपर्ने अवस्था छ,’ उनले भने ।
प्रधानमन्त्री प्रचण्डले मन्त्रिपरिषदलाई आज नै विस्तार गर्ने तयारी गरिएको पनि जानकारी दिए । पुस ११ मा प्रचण्डले दुई उपप्रधानमन्त्रीसहित चार मन्त्री लिएर शपथ लिए पनि सत्तासाझेदार दलबीच मन्त्रालय भागबण्डा लगायत शक्ति बाँडफाँटमा सहमति नबन्दा मन्त्रिपरिषद्ले पूर्णता पाउन सकेको छैन ।
