गोरखा । गाेरखाकाे एपाेलाे अस्पतालकाे एम्बुलेन्स चितवनकाे रामनगरमा दुर्घटनमा परेकाे छ । गोरखाबाट गर्भवती महिला लिएर सुत्केरी गराउन लिएर गएको एम्बुलेन्स चितवनको रामनगरमा गएराती दुर्घटना पर्दा सुत्केरीको अवस्था गम्भीर भएको चितवन प्रहरीले जनाएको छ ।
जिल्ला प्रहरी कार्यालय चितवनका प्रहरी निरिक्षक निर्मल पनेरुले दिएको जानकारी अनुसार गोरखाबाट चितवनको लागि गएको ग ३ च १५०८ नम्बरको एम्बुलेन्स आज बिहान १ः४० बजे दुर्घटनामा परेको हो । दुर्घटनामा परी गोरखा नगरपालिका–६ निवासी बर्ष २८ कि श्रृजना गौतम गम्भिर घाईते भएको चितवन प्रहरीले जानकारी दिएको छ ।
उनलाई सुत्केरी गराउनको लागि एपोलो अस्पतालको एम्बुलेन्स मार्फत चितवनको भरतपुर तर्फ लादै गर्दा भरतपुर महानगर पालिका–१ को रामनगर स्थित नारायणगढ–मुग्लिङ सडक खण्डमा साइडमा रोकिरहेको ना ७ ख ६४ नम्बर को ट्रकमा ठोकिन पुगेको थियो । गम्भरि घाईते भएकी श्रृजनाको अनुहार र खुट्टामा चोट लागेको छ ।
उनकाे नयाँ मेडिकल कलेजमा आईसियुमा राखेर उपचार भई रहेको प्रहरीले जनाएको छ । दुर्घटनामा परी चालक सहित अन्य ३ जना सामान्य अवस्थामा रहेको पनि प्रहरीले जनाएको छ । उक्त दुर्घटनामा परी एम्बुलेन्स चालक बारपाकसुलिकोट गाउँपालिका–६ का ५४ बर्षिय एकबहादुर सुनार, गोरखा नगरपालिका–६ बस्ने बर्ष ३५ को सुदिप गौतम (श्रृजनाका श्रीमान) र गोरखा नगरपालिका–६ बस्ने बर्ष ४८ कि मिना कोईराला सामान्य घाईते भएका छन् ।
ट्रक र चालक मकवानपुर जिल्ला हेटौडा उप महानगर पालिका–१९ बस्ने बर्ष ३६ को सुरज श्रेष्ठलाई राती नै प्रहरीले नियन्त्रणमा लिएकाे छ ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
