गोरखा। भिमसेन थापा गाउँपालिकालाई पूर्ण खोप पालिका तथा दिगोपन सुनिश्चितता घोषणा गरिएको छ । गाँउपालिका स्वास्थ्य शाखाको आयोजनामा आज पालिकालाई पूर्ण खोपयुक्त पालिका घोषणा गरिएको हो ।
पालिका भित्रका सवै वडाहरुले खोपको मापदण्ड पूरा गरेपछि पालिकाल एक कार्यक्रमका बीच गाउँपालिकालाई पूर्ण खोप तथा दिगोपना सुनिश्चितता घोषणा गरेको गाउँपालिकाका पालिका खोप समितिका सचिब भेषराज खनालले जानकारी दिए । गत चैत्र १६ देखि २० गतेसम्म ८ वटै वडामा रहेका स्वास्थ्यकर्मीहरुले वडा भित्र रहेमा सबै बालबालिको सर्वेक्षण गर्दा पालिका भित्रका सबै बच्चाहरुलाई पूर्ण खोप दिइएको पाइएको उनले बताए ।
उनका अनुसार जन्मदेखि १५ महिनाका सम्मका १९७ जान र १६ महिनादेखि ५९ महिनासम्मका ६ सय ९८ जना बालबालिकालाई नियमित खोप दिएको उनले जानकारी दिए।
गाउँपालिका अध्यक्ष लोकप्रसाद बञ्जराको अध्यक्षतामा भएको कार्यक्रममा गाउँपालिका उपाध्यक्ष अमृतादेबी बस्ती, गाउँपालिका प्रमुख प्रशासकीय अधिकृत चित्रबहादुर अधिकारी लगायतले मन्तव्य राखेका थिए । उक्त कार्यक्रममा ८ वटै वडाका स्वास्थ्य प्रमुख एबं स्वास्थ्यकर्मी, स्वयंसेवक लगायतको उपस्थिति रहेको थियो ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
