वीरगञ्ज। वीरगञ्ज भन्सार नाकाबाट चालु आर्थिक वर्षको दुई महिनाको अवधिमा नेपालबाट बाहिरिने सामानको तुलनामा भारतसहित तेश्रो मुलुकबाट सामान आयात हुने क्रम ह्वात्तै बढेको छ ।वीरगञ्ज भन्सार कार्यालयले दिएको जानकारी अनुसार चालु आर्थिक वर्षको भदौसम्म्ममा जम्मा ९ करोड, ९६ लाख, ८९ हजार ६सय १० रुपैँया बरावरको सामान आयात हुँदा यही अवधिमा जम्मा ५२ लाख, ९३ हजार ८ सय २४ रुपैयाँका सामान मात्रै निर्यात भएको छ ।
गएको आर्थिक वर्षको यही अवधिमा भने यो नाकाबाट १२ करोड, १० लाख, ६३ हजार ६ सय ६८ रुपैयाँको आयात हुँदा ७ करोड, ५ लाख, ७ हजार ५ सय ६३ रुपैँया बरावरको सामान निर्यात भएको थियो ।चालु आर्थिक वर्षको भदौमा मात्र वीरगञ्जबाट पाँच करोड, १३ लाख, ९३ हजार ५ सय ९३ रुपैँयाको आयात हुँदा २८ लाख, १४ हजार, ६ सय ८७ रुपैँयाको निर्यात भएको छ ।चालु आर्थिक वर्षको दुई महिनामा भने नौं करोड, ४३ लाख,९५ हजार, ७ सय ८५ रुपैँयाको ब्यापार घाटा भएको छ भने यो अवधिमा दश करोड, ४९ लाख, ८३ हजार, चार सय ३४ रुपैयाँको बैदेशिक कारोबार भएको पनि वीरगञ्ज भन्सार कार्यालयको विवरणमा उल्लेख छ ।यो अवधिमा पनि सबैभन्दा बढी डिलेज नै आयत भएको छ भने निर्यातसम्म फलफुलको जुस नै रहेको छ ।
