पोखरा। पोखरा महानगरपालिकाको १ लाख २२ हजार २१९ मत गणनामा गठबन्धनका धनराज आचार्यले अग्रता कायमै राखेका छन्।
मुख्य निर्वाचन कार्यालयले दिएको सोमबार बिहान ७:४०बजेको जानकारी अनुसार आचार्यले अहिलेसम्म ४९ हजार २सय ४१ मतप्राप्त गर्दा उनका प्रतिद्वन्दी नेकपा एमालेका कृष्ण थापाले ४५ हजार २५६ मत प्राप्त गरेका छन्।
यस्तै, उपमेयरतर्फ भने नेकपा एमालेकी मन्जु देवी गुरुङले अग्रता फराकिलो बनाउँदै लगेकी छन्। मन्जुले ५१ हजार ५ सय ८९ मतप्राप्त गर्दा नेपाली कांग्रेसकी उपमेयर पदकी उम्मेदवार कोपिला रानाभाटले ४८ हजार ४ सय ९२ मत प्राप्त गरेकी छन्।
