पोखरा। पोखराको मुटु महेन्द्रपुलमा अंग्रेजी नयाँवर्षको आगमनसँगै मोवाइल होलसेल मार्केट आजदेखी सञ्चालनमा आएको छ ।
महेन्द्रपुलदेखि चिप्लेढुँगा जाने सडकको मारबाडी खाजा घर पछाडि पुरानो ओरेन्ज मार्केट रहेको सो मार्केट आजदेखखि सुभारम्भ भएको हो । विगत १० वर्षदेखी महेन्द्रपुलको सीता भवनको अण्डरग्राउण्डमा व्यापार गर्दै आएका मोवाइल व्यवसायीहरु महानगरले अण्डरग्राउण्ड खाली गरेपछि महेन्द्रपुलमा सरेर होलसेल मार्केट सञ्चालनमा ल्याएका हुन् ।
बजारका संयोजक चिन्तामणि खरेलका अनुसार हाल सो स्थानमा १५ वटा सटरमा व्यवसाय सञ्चालन भइरहेको छ ।बजारमा पार्किङको सुविधा, अपांगमैत्री तथा तथा विभिन्न मोवाइल तथा इलेक्ट्रोनिक सामग्रीहरुको सुविधा रहेको छ ।खरेल सहित सो बजारका व्यवसायीहरु ढाकामोहन अधिकारी, रामहरि तिमिल्सिना र सुवास अर्यालले बजार व्यवस्थापन र सञ्चालनमा मुख्य भूमिका निर्वाह गर्दै आएका छन्। होलसेल मार्केट शुभारम्भका अवसरमा ग्राहकहरुलाई यही पुस २५ गतेसम्म विभिन्न छुट तथा सहुलियत प्रदान गरिने बजारका संयोजक चिन्तामणि खरेलले बताए ।
