वीरगन्ज। वीरगन्ज, मुलुुकको प्रमुख भन्सार नाका,वीरगन्ज भन्सार कार्यालयले चालु आर्थिक बर्षको दोश्रो महिनामा पनि लक्ष्य अनुसारको राजश्व संकलनमा असफल भएको छ । वीरगन्ज भन्सार कार्यालयले उपलब्ध गराएको विवरण अनुसार वीरगन्ज भन्सार कार्यालय चालु आर्थिक बर्षको दोश्रो भदौ महिनामा लक्ष्य अनुसारको राजश्व संकलनमा असफल भएको हो । भन्सार बिभागले वीरगन्ज भन्सारलाई भदौका लागि १९ अर्ब,३८ करोड,६ लाख ७० हजारको लक्ष्य दिएकोमा उसले भदौमा जम्मा १२ अर्ब, ७१ करोड,२२ लाख २५ हजारको राजश्व संकलन गर्न सफल भएको छ । जुन अघिल्लो आर्थिक बर्षको भदौ महिनाको भन्दा पनि कम हो ।
अघिल्लो आर्थिक बर्षको भदौ महिनामा यो कार्यालयले १४ अर्ब,१४ करोड,२५ लाख १३ हजार राजश्व संकलन गरेको थियो । त्यो पनि लक्ष्य भन्दा कम नै हो । भदौमा वीरगन्ज भन्सार कार्यालयले सबैभन्दा बढी मुल्यअभिबृद्धि करबाट सबैभन्दा बढी राजश्व संकलन गरेको छ । उसले मुल्य अबिबृृद्धि करबाट ५ अर्ब,४२ करोड, ३६लाख ३१ हजारको रावश्व स्ंकलन गरेको छ भने गरेको छ। त्यसरी नै आयातबाट ४ अर्ब,८४ करोड,६५ लाख २० हजार राजश्व संकलन गर्न सफल भएको वीरगन्ज भन्सार कार्यालयले उपलब्ध गराएको तथ्यांकमा उल्लेख छ । यसरी नै अन्तशुल्कबाट एक अर्ब,एक करोड,७६ लाख ५८ हजार राजश्व संकलन गरेको छ । चालु आर्थिक बर्षमा पनि वीरगन्ज नाकाबाट आायत हुने बिभिन्न बस्तुहरु कमी आएकाले पनि राजश्व संकलन लक्ष्य अनुसार हुन नसकेको वीरगन्ज भन्सार कार्यालयले अधिकारीहरुले दाबी गरेका छन् । वीरगन्ज भन्सारले गएको महिना साउन सहित गएको आर्थिक बर्षमा नै लक्ष्य अनुसारको राजश्व संकलनमा असफल भएको थियो ।
