काठमाडौं। ग्रीनलाइफ हाइड्रोपावरको आइपीओमा ७ लाख ८७ हजार ७२० जना सर्वसाधारण लगानीकर्ताले आवेदन दिएका छन् । बिक्री प्रबन्धक बीओके क्यापिटलका अनुसार आइतबार ३:४५ बजेसम्म १ करोड ४३ लाख २६ हजार २२० कित्ताका लागि आवेदन परेको छ । कुल १ अर्ब ४३ करोड २६ लाख २२ हजार रुपैयाँ बराबरको आवेदन परेको हो । कम्पनीले माघ २३ गते शुक्रबारदेखि सर्वसाधारणका लागि ३२ लाख ५१ हजार ६५२ कित्ता आइपीओ खुला गरेको हो ।
यसआधारमा, सर्वसाधारणले हालसम्म माग भन्दा ४.४१ गुणा बढी आवेदन दिइसकेका छन् । यसमा माघ २७ गतेसम्म आवेदन दिन सकिन्छ । ग्रीनलाइफले कुल ३४ लाख ९६ हजार ४०० कित्तामध्ये ६९ हजार ९२८ कित्ता कम्पनीका कर्मचारी र १ लाख ७४ हजार ८२० कित्ता सेयर सामूहिक लगानी कोषलाई छुट्याएर बाँकी सेयर सर्वसाधारणमा जारी गरेको हो ।
कम्पनीले यसअघि आयोजना प्रभावित स्थानीयले नकिनेको सेयरसमेत थप गरी सर्वसाधारणलाई बिक्री गरेको हो । ग्रीनलाइफले दोलखा जिल्लाका स्थानीयलाई कुल १८ लाख कित्ता आइपीओ निष्कासन गर्दा १ लाख ३ हजार ६०० कित्ताका लागि मात्रै आवेदन परेको थियो । कुल १६ लाख ९६ हजार ४०० कित्ता सेयर बिकेको थिएन । उक्त सेयर सर्वसाधारणलाई थप गरी अहिले बिक्री गरिएको हो । नेपाली पैसाबाट
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
