काठमाडौँ,१२ मंसिर। नेपाल विद्युत् प्राधिकरणले विद्युत् महसुल नतिर्ने उद्योगहरूविरुद्ध कडा कदम चाल्दै ३४ वटा उद्योगको बैंक खाता रोक्का गर्न राष्ट्र बैंकलाई पत्राचार गरेको छ ।
प्राधिकरणका प्रबन्ध निर्देशक कुलमान घिसिङले विद्युत् नियमन आयोग र प्राधिकरण सञ्चालक समितिले लाइन काट्न नदिएपछि यस्तो निर्णय लिएका हुन् । उनले उद्योगहरूको नाम र तिर्नुपर्ने बक्यौता रकमसहितको विवरण राष्ट्र बैंकलाई पठाइसकेका छन् ।
यस कदमले विद्युत् महसुलको बक्यौता असुलीमा सहयोग पुग्ने र प्राधिकरणको आर्थिक अवस्था सुधार हुने अपेक्षा गरिएको छ ।
