गोरखा।हरमटारी क्लब गोरखा नगरपालिका वडा न ६ गोरखाले आयोजना गरेको तेस्रो गोरखाकाली मेला पुर्ब माननीय सांसद हरिराजअधिकारीले उदघाटन गरेका छन् । असोज ४ गतेबाट शुरु भएको मेला असोज १४ गते सम्म सञ्चालन हुने आयोजकले जनाएको छ ।गोरखाको संस्कार , सस्कृतिको संरक्षण र प्रबर्दन , आर्थिक , पर्यटन र एैतिहासिक गोरखाको अभियान भन्ने मुल नाराका साथ सुरुभएको मेलामा बाल उद्यान , ब्यापारिक स्टल कृषि सामग्री लगायत स्टलहरु राखिएको हरमटारी क्लबका महासचिब किरण ढकाललेजानकारी दिए । मेला उदघाटन शुरु हुनु अघि गोरखा बजार क्षेत्रमा विभिन्न जातजाति भाषा भाषीहरुको भेषभुसामा सजिएका झाँकीऱ्यालीले नगर परिक्रमा गरेको थियो । गोरखाको मुख्य पहिचानके खोजी गरि जिल्लाको प्रचार प्रसार गर्नु रहेको आयोजकलेजााएको छ । मेलामा स्थानिय तथा राष्ट्रिय स्तरका कलाकारहरुको प्रस्तुति रहने र १४५ स्टल रहेको मेलामा ३५ हजार दर्शकलेअबलोकन गर्ने अनुमान गरिएको छ ।
