पोखरा। रातारात नेपाललाई लुटको स्वर्ग बनाएर पार्टीका नेताहरुलाई हप्तावरी महिनावरी बुझाएर नबधनाढ्य बनेका भाटभटेनी सुपरमार्केटका सञ्चालक मीनबहादुर गुरुङलाई प्रहरीले पक्रेको छ । गुरुङलाई ललिता निवास प्रकरणमा केन्द्रीय अनुसन्धान ब्युरो (सीआईबी) को टोलीले नक्सालस्थित निवासबाट पक्राउ गरेको हो ।ललिता निवासको २९९ रोपनी ३ आना सरकारी जग्गा हिनामिना प्रकरणमा उनीमाथि किर्ते र जालसाझीको आरोप लागेको छ । उनी प्रहरीको फरारको सूचीमा रहँदै आएका थिए।
ललिता निवास प्रकरणमा गुरुङले एमालेका उपाध्यक्ष बिषणु पौडेल, शोभाकान्त ढकाल, रामप्रसाद सुवेदी तथा मालपोत कार्यालयका हुपेन्द्रमणि केसी र टीका घिमिरेसँगको मिलिभगतमा सबैभन्दा धेरै जग्गा आफ्नो कब्जामा पारेको पाइएको थियो ।
२०७७ सालमा विशेष अदालतले व्यवसायी गुरुङसँग दुई करोड रुपैयाँ धरौटी मागे थियो ।
