स्याङ्जा। समाजसेवी स्ब. यम नारायण ढकालको प्रथम स्मृति दिवसमा विद्यालमा ५१ हजार रुपियाँको अक्षयकोष स्थापना गरिएको छ ।
आफ्नै जन्मथलो आँधीखोला गाउँपालिका वाड न– ६ टिकाजामा रहेको शारदा मन्दिर माविमा परिवारले अक्षयकोष स्थापना गरेका हुन् ।
परिवारले स्ब. ढकाल दुई कार्यकाय अध्यक्ष भइ योगदान गरेको माविमा अक्षयकोष स्थापना गरेको हो ।
अक्षयकोषको ब्याजबाट आउने रकमबाट जेहेन्दार तथा गरिब विद्यार्थीलाई प्रदान गरिने छ भने परिवार कोषमा थप रकम समेत थप्ने बताएको छ ।
उहाँको स्मृतिमा स्ब. यमनारायण ढकाल स्मृति पार्क स्थापना गरि शालिक सहित इतिहास र योगदान सहितको शिलालेख र यात्रु प्रतीक्षालय निर्माण गर्ने धर्म पत्नी प्रेमकुमारी ढकालले बताउनुभयो ।
नेपाल सरकारबाट २०७९ सालमा प्रबल जनसेबा श्री पदकबाट बिभुषित हुनु भएका स्व ढकाल विकास प्रेमी तथा शिक्षाप्रेमी रहनु भएको थियो । उहाँको ६१ बर्षको उमेरमा गत बर्षको भदौमा निधन भएको थियो ।
