पोखरा,११असोज। पोखरा क्लिकद्वारा आयोजित प्रथम पर्वतीय दौड प्रतियोगिता शनिबार, असोज १२ गते आयोजना हुँदैछ। प्रतियोगितामा नेपाल, बेलायत, र ब्राजिलका १०४ धावक सहभागी हुनेछन्, जसमा ७१ पुरुष र ३३ महिला छन्।
दौड विश्व शान्ति स्तूपबाट सुरु भई पुम्दीकोटको विशाल महादेव मूर्तिको परिक्रमा गर्दै, बुद्धपार्क (निगाले डाँडा) मा समापन हुनेछ। दौडमा खुला, महिला, वडास्तरीय, र यू-१६ गरी चार इभेन्टहरू समावेश छन्।
खुलातर्फ प्रथम, दोस्रो, र तेस्रो स्थान प्राप्त गर्नेले क्रमशः २५ हजार, १५ हजार, र ७ हजार रुपैयाँसहित ट्रफी र प्रमाणपत्र प्राप्त गर्नेछन्। महिला, यू-१६, र वडास्तरीयतर्फ उत्कृष्ट धावकले ७ हजार रुपैयाँ नगद, ट्रफी, र प्रमाणपत्र प्राप्त गर्नेछन्।
यस अवसरमा समाजसेवी चन्द्रकान्त बराल र अन्तर्राष्ट्रिय धावक कुसान गुरुङलाई सम्मान गरिनेछ।
