ओकिनावा, जापान माघ १९ गते। कास्की पोखरा समाज ओकिनावा क्षेत्रीय समितिको दोस्रो अधिवेशन २०२५ फेब्रुअरी २ (आइतबार) का दिन हुने भएको छ। २०२२ मा गठन भएको यस क्षेत्रीय समितिले २ वर्षपछि दोस्रो अधिवेशन गर्न लागेको हो।
समितिका संस्थापक संयोजक गोबिन्द प्रसाद पौडेल “अनीश” का अनुसार, यो अधिवेशनमार्फत समाजलाई अझ सफल र जुझारू नेतृत्व प्रदान गर्ने लक्ष्य राखिएको छ। उनले भने,
“हामी कास्की पोखरा समाज ओकिनावा क्षेत्रीय समिति गठनको २ वर्षपछि दोस्रो अधिवेशनको अन्तिम तयारीमा छौं। यस संस्थामार्फत जापानको ओकिनावा प्रान्तमा रहनुभएका सम्पूर्ण कास्की जिल्ला बासीहरूको सुख-दुःखमा साथ दिने उद्देश्यले काम गर्दै आएका छौं। यो अधिवेशन सफल बनाउन कास्की पोखरा समाज जापान, कास्की आदर्श समाज अन्तर्राष्ट्रिय परिषद्, तथा ओकिनावामा क्रियाशील सम्पूर्ण संघ-संस्थाहरूको साथ र सहयोगको लागि हार्दिक अनुरोध गर्दछौं।”
अधिवेशन २०२५ फेब्रुअरी २ (आइतबार), दिउँसो ३ बजे ओकिनावाको नमस्ते गाउले रेस्टुरेन्ट (〒900-0031 沖縄県那覇市若狭２丁目３−15) मा आयोजना हुनेछ।
समाजले जापानमा रहेका कास्कीबासीहरूको एकता, सहयोग र प्रवर्द्धनमा भूमिका खेल्दै आएको छ। आगामी अधिवेशनले समुदायको सशक्त नेतृत्व चयन गर्दै संस्थालाई अझ प्रभावकारी बनाउने अपेक्षा गरिएको छ।
