पोखरा। जनताको दैनिक आवश्यकतासँग जोडिएका पेट्रोलियम पदार्थ तथा खाद्यबस्तुमा पछिल्लो समय भइरहेको मूल्यवृद्धिका विरुद्ध नेत्रविक्रम चन्द (विप्लव) नेतृत्वको नेकपाले आन्दोलनका कार्यक्रम घोषणा गरेको छ ।
सरकारले निरन्तर गरेको मूल्यबृद्धिको मुकदर्शक भएर हेरिरहँन नसक्ने भन्दै विप्लव आफैले वक्तब्य जारी गरेर आन्दोलनका कार्यक्रम घोषणा गरेका हुन् ।
घोषित कार्यक्रम अन्र्तगत कात्तिक, २५ गते दिउँसो ३ बजे देशव्यापी बिरोध प्रदर्शन, कात्तिक, २६ गते प्रचारप्रसार र साँझ मशाल जुलुस, कात्तिक, २७ गते देशव्यापी प्रदर्शन, दिउँसो १ बजेदेखि २ बजेसम्म १ घण्टा, कात्तिक, २८ गते बिहान १० देखि ११ बजेसम्म १ घण्टा चक्का जाम, कात्तिक, २९ गते दिउँसो सिठ्ठी जुलुस, साँझ मशाल जुलुस कार्यक्रम छन् ।
त्यस्तै कात्तिक ३० गते नेपाल बन्द महँगीका विरुद्ध गर्ने
समेत विप्लवको पार्टीले घोषणा गरेको छ ।मेरोन्यूजबाट
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
