पोखरा।जल तथा मौसम विज्ञान विभाग मौसम पूर्वानुमान महाशाखाले हाल गण्डकी प्रदेशका धेरै स्थानहरूमा साथै प्रदेश नं १, प्रदेश नं २, बागमती तथा लुम्बिनी प्रदेशका थोरै स्थानहरूमा हल्कादेखि मध्यम वर्षा भइरहेको जनाएको छ । देशभर मनसुनी वायुको प्रभावका कारण दिउँसो देशभर सामान्यदेखि पूर्ण बदली रही धेरै स्थानहरूमा हल्कादेखि मध्यम वर्षाको सम्भावना रहेको महाशाखाको पूर्वानुमान छ । महाशाखाकाअनुसार सुदुरपश्चिम, लुम्बिनी, गण्डकी, बागमती, प्रदेश २ तथा प्रदेश १ का थोरै स्थानहरुमा मेघगर्जन/चट्याङ्ग सहित ठूलो वर्षाको सम्भावना रहेको छ।
राती भने देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको महाशाखाले जनाएको छ । सुदुरपश्चिम, कर्णाली, लुम्बिनी तथा प्रदेश १ का थोरै स्थानहरुमा मेघगर्जन/चट्याङ्ग सहित ठूलो वर्षाको सम्भावना रहेको छ।
