भारतीय सञ्चार माध्यमले नेपाली राजनीति चिनियाँ हस्तक्षेपबाट भारतको हातमा आएको दाबी गरिरहेका छन् ।
प्रतिनिधिसभा विघटनसँगै भारतीय सञ्चार माध्यमले लगातार काठमाडौंको राजनीतिक प्रतिकूलता भारतका लागि अनुकूलतामा बदलिएको समाचार र विश्लेषण प्रस्तुत गर्दै आएका छन् । नेपाली राजनीतिमा पकड गुमाएको चीन फेरि नेकपाको एकता गराउने प्रयासमा रहेको दाबी भारतीय सञ्चार माध्यमको छ ।
भारतीय पत्रिका दि हिन्दुस्तान टाइम्सले चिनियाँ राष्ट्रपति सी चिनफिङ नेपालको राजनीतिलाई पुनः आफूअनुकूल बनाउने प्रयासमा रहेको दाबी गरेको छ । त्यसका लागि तीन सदस्यीय चिनियाँ टोली काठमाडौंमा रहेको दाबी समाचारमा छ ।
