वीरगन्ज। बारामा शनिवार बिहान जंगली हात्तीको आक्रमणबाट एक जनाको मृत्यु भएको छ ।
जीतपुरसिमरा उपमहानगरपालिका वडा नम्बर १६ टँंगिया बस्ती जाने सड्कमा नाम थर बतन नखुलेका करिब ५५ बर्षिय एक पुरुषको जंगली हात्तीको आक्रमणबाट मृत्यु भएको हो ।
हात्ती आक्रमणबाट मानिसको मृत्यु भएको भन्ने सूचनाको आधारमा ईलाका प्रहरी कार्यालय निजगढबाट प्रहरी निरीक्षक घनश्याम श्रेष्ठको नेतृत्वमा गएको टोलीले शव बरामद गरेको थियो । जंगली हात्तीले आक्रमण गरेर लछारपछार पारेको जस्तो देखिएको अवस्थामा शव फेला परेको जिल्ला प्रहरी कार्यालय बाराका प्रहरी प्रवक्ता एवंम प्रहरी नायब उपरीक्षक दधिराम न्यौपानेले जानकारी दिनुभएको छ ।
शवलाई पोस्टमार्टमको लागि प्रादेशिक अस्पताल कलैयामा राखिएको जनाइएको छ ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
