पोखरा। ग्रहाकलाई आकर्षण भन्दा बिकर्षण नै गरिरहेको नेपाल टेलिकमले यो वर्षको विन्टर अफर २०८० सार्वजनिक गरेर ग्रहाकलाई आकर्षण गर्ने प्रयास गरेको छ। समय समयमा विभिन्न अफरहरू सार्वजनिक गर्दै आइरहेको नेपाल टेलिकमले आज शुक्रवारदेखि लागू हुनेगरी यो वर्षको विन्टर अफर सार्वजनिक गरेको प्रवक्ता शोभन अधिकारीले पोखरा प्रेसलाई जानकारी दिए ।
टेलिकममा यसअघि उपलब्ध भइरहेको फोरजी डाटा अफरलाई अझै आकर्षक बनाइएको उनको भनाइ छ । जसअनुसार १ दिनको समयावधिका लागि १९ रुपैयाँमा ४०० एमबी र ३३ रुपैयाँमा १२०० एमबी डाटा उपलब्ध हुनेछ ।
यस्तै ७ दिनको समयावधिका लागि १०९ रुपैयाँमा ५ जीबी र २८ दिनका लागि २९८ रुपैयाँमा ७ जीबी डाटा उपलब्ध हुनेछ ।
त्यसैगरी २ घण्टाको समयावधिका लागि ३५ रुपैयाँमा अनलिमिटेड प्याक उपलब्ध हुनेछ ।यसअघि उपलब्ध अल टाइम भ्वाइस प्याक, अनलिमिटेड प्याक, डाटा प्याक, सोसल मिडिया प्याक, स्टे कनेक्टेड प्याक, एसएमएस प्याक, एमटुएम प्याक लगायतका विभिन्न आकर्षक प्याकहरू समेत उपलब्ध हुने टेलिकमले जनाएको छ ।
त्यस्तै नेपाल टेलिकम एप डाउनलोड गर्दा उपलब्ध हुने १ जीबी डाटा प्याक पनि निरन्तर रूपमा उपलब्ध हुने बताइएको छ ।
विन्टर अफरअन्तर्गतका विभिन्न प्याक प्राप्त गर्नका लागि ग्राहकले १४१५*१# डायल गर्नुपर्ने छ ।
कम्पनीको ‘नेपाल टेलिकम’ एपबाट पनि यससम्बन्धी जानकारी लिन तथा सेवा खरिद गर्न सकिने विज्ञप्तिमा उल्लेख छ ।
पोखरा हव प्रा.लि. द्वारा प्रकाशित | पोखरा प्रेस डटकमसूचना विभाग दर्ता नं.: २३९६/०७७-०७८
Copyright © All right reserved to pokharapress.com Site By: SobizTrend.
