पोखरा।काहुँ आदर्श खानेपानी तथा सरसफाई उपभोक्ता समितिको २१ गते सम्पन्न अधिवेशनबाट नयाँ कार्यसमिति चयन गरिएको छ। अधिवेशनले विष्णु आचार्यलाई तेस्रो पटक पुन: अध्यक्षमा निर्वाचित गरेको छ भने उपाध्यक्षमा गीता कोइराला, सचिवमा खेमराज गौतम र कोषाध्यक्षमा गंगा भट्टराई चयन भएका छन्।
त्यसैगरी सदस्यहरूमा तारबहादुर रायमाझी, ऋषिराम आचार्य र लक्ष्मी केसी आचार्य निर्वाचित भएका छन्।
नवनिर्वाचित पदाधिकारीहरूले उपभोक्ताको हितलाई केन्द्रमा राख्दै महसुल वृद्धि नगर्ने, नियमित सरसफाइ गर्ने, पानीका मुहानहरूको संरक्षण गर्ने तथा स्थानीय स्रोतहरूको संरक्षण र सरसफाइमा विशेष ध्यान दिने प्रतिबद्धता व्यक्त गरेका छन्।
